Unknown Album

Iti Cruzmot’ asitgac, Ta bulsecac, napanglaw Saritaec, Sicsica; Ti macaisalacan. Coro: Namnamac pammalungdom, Caniac, Santo Cordero Is-isipec ti cruzmo, Ispalennac, O, Jesus. Nabayag nga asugancan, Ta biddut lemmesennac; Ngem cunam: “Ugasancan’ Iti amin a damsac. Amin itdecon Kenca, Gagayyem, cucua ken pia Pusoc ken toy cararuac, O, Jesus awatennac; Ni Jesus pinunnona, Ti talna toy cararuac Adtoy pinaimbagnac; Corderot’ madaydayaw.

Naraniag daytoy nga aldaw ita, Toy pusoc naraniag Nga awan ti macapada, Ni Jesus ti lawag. Coro: O, narniag a lawag, narniag A nangsilnag pusoc ken ricnac, Ti rupa ni Jesus naimnas Isut’ silaw cararuac. Naragsac daytoy aldaw ita, Ti Apo cucuana Ni Jesus amin denggenna Ti asug Kencuana. Nasilnag daytoy aldaw ita, Ti Dios ditoy adda Toy pusoc inna maricna, Ayat ken graciana. Narambac daytoy aldaw ita, Dayaw ayat adda Ti langit naggapuanna, Parabur naiduma.

Dackel ti ragsac sadi langit ita, Gapu ti maysa a cararua Kitaem ti Ama isut’ sabtenna: Ti mayaw-awan a cararua. Coro: Gloria! Gloria! cuncunat’ timec Gloria! Gloria naruay angeles: Casta met ti buyot dagiti nasbot Cancantaendat’ pagdaydayaw. Ti ragsac sadi langit ita dackel Ta ti napucaw simmangpeten: Managbasol a cararua nagsublin Ket salacan kencuanat’ maited. Ti ragsac sadi langit maisacnap, Angeles inda ipadamag A maysa a cararua a nasabrac, Nabaliwanen a nayanac.

Sipnget ken ladingit paggapuac Kenca, O Jesus umayac, Dita sidongmo a naraniag Jesusco umayac. Masakitac nga umay Kenca Tapno siac agasannac coma Tapno basbasolcot’ maawan, Umayacon Kenca. Panagbain awan caniacon, Jesus Kenca umayacon Ti nagloriaan unay a cruz; Umayacon Jesus. Ladingit a naidagaan, Panagbiag a napnot’ leddaang Nalpasco idan nagtalawan Ta umayacon kencan. Diac agbutengen uray tanem, Umayac, Jesus, Umayac Dayta yanmot’ innac gun-oden Wen Jesus, umayac. Pagdacsac nacaigamerac, Idiacon ta Kenca umayac Rupam tapno innac masirpat Wen, Jesus umayac.

Ni Jesus cunana, Sica awananca Caniac umawagca Amin itdec kenca. Coro: Ni Jesus amin, Pacautangac, Basolco incarona Ket inugasannac. Apo masapulcot’ Pannacabalinmo Awan no di isut’ Manglunag toy pusoc. Awan imbag caniac, Adda amin Kenca, Ket dinalusannac Daram a nangina. Apaman dumtengac, Tronom a nadiosan Sacsacmtot’ captac O, Jesus a camang.

Icari ti Dios nga isalacannatay, No ken Jesus nga Anacna mamatitay Coro: Aleluya, mamatiac, naregta panggepco A sumurot ken Jesus, Maestro ken Apo, Aleluya mamatiac ket diac madanagan Ayatnat’ pagbiagac diac calipatan. Siammoac a no cappiat’ calicagumac, Masapulco ti ayatna a nawadwad. Diac magna nga awanan tulong ken silaw Liwliwa toy pusoc diac macurangan. Sadi langit cancanayon agbiagacto: Makicantaactot’ rinibu a santo

Mangngegco ta timec, Siac ti awaganna Tapno ti darac agtedted, Siac ti dalusanna. Coro: Umayac Kenca, umayac Apo, Ugasannac ta daram ubbog ti Calvario Nupay nacapuyac, Pigsa itdem caniac Basbasolco dalusannac, Rugitcot’ maiccat. Isu awagannac, Iti panagayat Talec, pammati ken ragsac. Ti nagcaysa a biag. Ni Jesus intedna, Nasin-aw a biagna; Ket itan iti graciana Damcat’ abakenna.

Nagasat nga aldaw Diosco, Panagservic kenca Apo Masapul a ti ragsacco, Ipakitac aramidco. Coro: Napnoanac ti ragsac, Ta dungngonat’ malac-amac Silaw a nangsilnag caniac, Kencuana innac nasarac Ubbogna a biag, Ti nacaugas cararuac. Nalpascon biagco a dackel, Cuanac ni Cristo ket cuac met Awagnat’ innac dinengngeg Ta timecna mailasin. Aginanaca, O, pusoc Idiam pannacariribuc, Nasaracac iti las-ud Ti gracia a di aggibus Cari a dackel intedco, Iti langit a nangato Ita sica ti dayawco, Ket toy pammatic sacsiamto.

Castoyac man napnot’ babac, Dayta ayatmot’ pagtalcac Inayabannac immayac, Cordero ti Dios adtoyac. Sisasapulac lat’ talnac, Gaput’ kinadac-sanggasat Basolco rirbukennac, Cordero ti Dios adtoyac. Castoyac man alawennac, Biddutco pacawanennac Ti carim pangnamnamaac, Cordero ti Dios adtoyac. Dayta paraburmo caniac, Sukircot’ inna inabac Sica lat’ makincua caniac. Cordero ti Dios adtoyac.

Ti pannacapnoc basolco, Sicat’ asugac Apo Kitaem kinapanglawco Napnoan babac nga adu. Dios naasi nadungngo, Yespalnac iti tuocco Tapno Sicat’ makitacto, Idiay langit a ngato. Ragsaccot’ inaldaw-aldaw, Jesus dita sikigam Paac-aclon agdaydayaw Iti Dios a naayat. Ngem siasino ti camangac, Itoy a casasaad? Ni Jesus a napnoan ayat, Pudno isalacannac. Ama a naayat ken Dios, Gaput’ asim ken anus Ayatmo a di aggibus, Dacami ti masubbot. Liwliwaca, Arit’ langit, Dungngom namnamaec Idalannac idiay Eden; Ti dana a nalinteg.