Author name: IlocanoHymns.com

Singpet ken dara ni Crisro, Ti pagtalgedan toy puso Naganna la ti turongec, Iti tattao diac agtalec. Coro: Ni Cristo a Batot’ yanco, Lab-og sabali a disso. No di makitat’ rupana, Pagcammatalcac graciana Iti nadawel a bagio, Ti taringawidco Isu. Sapata, Tulag, Darana, Iti peggad lingayendac No amin ti lawlaw lumned Ni jesus cucuac a sarked. Inton agunit’ trumpeta, Addaac Kencuana coma Pagcawesco ti singpetna, Ket innacto diay tronona.

Idalannac diac maiwawa Uray sadinot’ papanac, Ta imam, Dios iturongnac Toy biagco paragsakenna. Coro: Idalannac, idalannac, Ta imam Dios idalannac Daytoy ovejam a si-iliw, Agtalinaedto Kenka. Diosco ta imam cumpetac, Sie-emma sumurotac Napeggad man ti pagnaac, Ammoc ngad’ Dios idalannac. Inton aramidcot’ malpas, Gaput’ caasim nakitac Ta nagballigi nga imbag, Inggat’ patay idalannac.

Nacascasdaaw a Mangisalacan, Ni Jesus a Manubbotco iggemnat’ cararuac iti Bato Natalged a salinongco. Coro: Ilemmengnat’ caararuac iti Bato Natalged a salinongco, Gaput’ ayatna ilemmengnat’ biagco Imana mangted saclulo, Imana mangted saclulo. Ni Jesus nga Apo Mangisalacan Awitcot’ inna innalan, Itag-aynac ket diacto maan-ano Ta isut’ sarikedkedco. Tunggal canito ket nabalangatan, Par-paraburna nasantoan, Icantac gloria ti Dios a Cangatoan, Manubbot awan capadam. Kin dayagna innacto mabuya, No sabtecto diay tangatang Naan-anay nga ayat ken salacon, Ipuccawtaytot’ Cangatoan.

Inaldaw agtalecac, Aniaman mapasamac Nupay mapacapuyac, Ni Jesus lat’ patalcac. Coro: Kencuana matalecac, Iti inoran-horas Aniaman mapasungad, Ni Jesus lat’ camangac. Espirituna namiag, Itoy pusoc mangsilnag Idalannac diac matnag, Ni Jesus lat’ pagtalcac. Pagsaray agcararag, Pasaray agcantaac No umayto ti peggad, Ni Jesus lat’ pagtalcac. Agpapan di mapugsat, Daytoy angesco ken biag Uray aniat’ papanac, Ni Jesus lat’ pagtalcac.

Nanginngina ngem toy biag, Manubbotco ti pangyarigac Daram mangugas caniac, Yasidegnac la dita arpad. Coro; Inaldaw ken oras Dayta pigsam maricnac, Dayta cad’ Apo ayat, Ti adda agnanayon caniac. Ditoy lubong ti lulua, Kibinennac cad’ iti dana No agtalecac Kenca, Ti pagnaac diac maiwawa. Dumacdackel toy ayat, Ingganat’ di aggibus toy biag Inna pannacaragpat, Biag agnanayon toy cararuac. Youtube: Nanginngina Ngem Toy Biag

Ipudnoc Jesus Pacasuotac, Diac madaeran ti awitco Ti tuoc isut’ tumulong caniac, Siayat cadagiti taona. Coro: Ipudnoc Jesus, ipudnoc Jesus Diac madaeran ti awitco, Ipudnoc Jesus, ipudnoc Jesus Ni Jesus laeng macatulong. Ibagac Jesus amin a riri, Tumulong mangibaclay awit Ipudnoc Jesus, ipudnoc Jesus, Danag, ladingit uminggadan. Ti lubong dakes al-lilawennac, Pusoc masulisog ken basol Ipudnoc Jesus ket tulongannac, Lubong magun-od ti bal-ligi.

Jesusco, idalannac, Ti lasatec a taaw Angin, al-lon ti umay, Ken dandanum napeggad Ngem Sica ilasatnac, Jesusco idalannac. Cas ti maysa nga anac, Timecmo met denggenna, Nga ipangagnat’ ina Ti taaw a nadamca Ta turayca ti baybay, Jesusco idalannac. No dandaniac sumang-at, Ket dalluyon agbettac Tackiagmo ti pagtalcac, Ta timecmot’ mangegac A cunam a yaw-awag, “Siac kencat’ mangilasat”.

Nadungngo a Jesusco, Isalacannac Apo Dita yanmot’ taclinco, Talecco ta imbagmo Jesus, isalacannac, No bagio ti mangranggas Inggat’ diac macalasat, Lugancot’ macasanglad. Awanen ti camangco, No di Sica O, Apo Siac coma ti yespalmo, No peggad ti masango. Sica lat’ pagurayac A mangted ti liwliwac, Umayac dita arpad Jesusco, caasiannac. Kenca innac masarac, Ti bang-ar toy cararuac Aonennac ti rigat, A nacairemremac. Ti masakit bang-aram, Bulsec inca caasian, Nga idalan, anusam, No Sica ti pagtalcan.

Intay coma imatangan, Ni Sacerdotetay Naparabur ken nadayag, Ken managay-ayat. Napno ti asit’ pusona, Ti capuy ammona Ken sulsulisog no ania, Inanusna ida. Iti biagna ditoy daga, Nagasog naglulua Ket ricricnaenna ita, Ti panagrigattay. Patientayo ngarud ala, Ti kinaregtana Umanayto ti graciana, A pagcamangantay.

Addat’ ubing ti namnama, Cadatay nayanac Iturayanna toy daga, Ken idiay cangatoan. Ti naganna a nadayaw, Pangulo ti Cappia Nacascasdaaw, Mamagbaga, Apo a Cangatoan. Dumackelto ti turayna, Awantot’ inggana Kinalinteg ti tronona, Cetrona ti talna. Addat’ Ubing ti namnama Cadatay nayanac, Nacascasdaaw, Mamagbaga Apo a Cangatoan.