Unknown Album

Idiay cruz ni Jesus intedna, Ti biagna ingget pategna Inugasannac ti darana, Dayaw Kencuana. Coro: Dayaw Kencuana, dayaw Kencuana Inugasannac ti darana, dayaw Kencuana Dagiti basol sinubbotna, Idiay cruz ti nangicaruanna Ni Jesus adda caniac ita Dayaw Kencuana. Isut’ ubbog ingget litnawna, A mangdalus iti nadamca Ni Jesus agur-uray ita, Dayaw Kencuana. Intay ken Cristo, intay ita, Intay capten ti sacsacana Ket cunatayo nga icanta, Dayaw Kencuana.

Alaem daytoy biagco, Nga agservi O, Apo Ket dagitoy tackiagco, Amin Kenca yawatco. Coro: Dalusannac iti darana (ti darana) Gugurannac iti ayusan (ti ayusna) Yawatco toy biagco Kenca, O, Apo, Cucuam inggat’ inggana. Dapdapanco alaen, Kenca nga agservi met Timecco innac itden, Cantaanna ta sundim. Amin met nga aldawco, Ipaay pagdayawco Toy isip ken toy puso, Aramidem cayatmo. Pagayatac cucuam met, Cayatmot’ aramidec Amin pay daytoy bagic, Alaem, Kenca itdec. Alaem daytoy ayat, Innac Kenca irucbab Bagic, amin a ricnac, Sicsicat’ pangitalcac.

Manubbotco agbiagac Kenca laeng. Itdec ti cabaelac Kenca laeng. Coro: Ni Cristo nga Apo, Nangted ti wayawayac Wen, sica ti pagserviac, No adda pagragsacac, Kenca laeng; Ken adda pagpilpiliac Kenca laeng. Leddaang ituredco, Kenca Laeng Liwliwa masaracco, Kenca laeng. Ladingit ken ragsac, Kenca laeng; Ayat man ken to met biag Kenca laeng.

Manubbotco, di agsarday, Nasudsudi ngem toy biag Iti dalan a napeggad, Manubbot Sicat’ caduac Coro: Ta dennam, ta dennam, Ta dennam, ta dennam Iti dalan a napeggad, Manubbot Sicat’ caduac, Diac sapulen ti sanicuac, Uray dayaw ken ragsac Diac sicuren ti agrigat; No sica la ti caduac. Uray nasipnget ti ayan, Ken nadawel ti baybay Iti amin mabaelac, No sica la ti caduac.

Apo cucuanac, timecmot’ denggec, Ayatmo ti surotec; Ngem umad-adda comat’ pammatic A Kenca mayasideg. Coro: Yasidegnac, cadi O, Ago, Iti denna ti cruzmo Yasidegnac, yasidegnac cad’ Apo, Arpad dayta bacrangmo. Alaennac nga agservi Kenca, O, Apo a Namarsua Ti cararuac coma mangnamnama Cayatmo matungpalna. Naragsacac ti inoran-horas No ta sangom addaac, Agparintumengac nga agdawat Kenca makicaysaac. Adda ayat a diac maammoan, No diac Kenca umamang Adda ragsac a diac maragpatan Inggat’ Sicat’ pagtalcac.

Itdem Apo caniac, Biag nadaldalus Tured iti rigat. Lidaycot’ biddut Nasged a pammati, Jesus nga ayat Caniac itdem cadi, A calac-amac. Ayat a dacdackel, Ken panagtalec Inca Apo ited, A sagabaec Luluac nga ad-adu, Itdem cad’ Apo La Gapu ti tuocmo, A malagipco. Biag a nadaldalus, Ken pigsac Jesus Itdem di mabubos, Innac magun-od. Dacdackel nga ayat, Apo iccannac Bendicion nawadwad, Itdem met caniac.

Jesus dayta nakem, Ti innac tungpalen Cadagita tackiag, Yawatco toy cararuac, Rigat man ken nam-ay Sicat mangidalan, Caniac a manungpal Apo, pagayatam. Jesus ta cayatmo Siac aramidecto, Namnamac addanto A di umadayo. Sica nagsangitca, Idi ditoy daga Siayatac met ita, Matay gapu Kenca Jesusco surotec, Ta nakem tungpalec Amin sagabaec, Ta sicat’ catalec. Innac sitatalna Gun-oden ti gloria, Biag, patay agpada Turdac masagaba.

Naragsacac ita aldaw naraniag, Ta ulep biag adayo; Ti Manubbot cunana, “umayca” Uray siasinoman. Coro: Siasinoman siac ti cunana, Siac ti cunana, wen siac ti cunana Siasinoman siac ti cunana, Siasinoman siac dayta. Ti gloriana pinunnonat’ cararuac, Dimmackel ti namnamac; Manipud basol naitag-ayac, Dayawec naganna. Nacascasdaaw ti ayatna caniac, Biagna inna inyawat Gaput’ basolco nayaw-awanac Ngem biagcon naragsac;

Adda gayyemco inca ammoen, Manubbot, naayat ken pudno Jesus, Aric a daydayawen, Patgem met cas panangpategco. Coro: Adda gayyemco inca ammoen, Awatem ngad’ ayatna kenca Agur-uray a cuncunana; “Siac ti Dalan, Pudno ken ti Biag”. Adda Gayyemco inca ammoen Isut’ pudno a Pastor ti Biag, Palag-anenna ti dandanag Amin kenca itednat’ imbag. Adda gayyemco inca ammoen, Inca ngarud itan pastreken Talna itdenna no awatem, Biag agnanayon inna itden.

Dios’ nga ayat a catan-ocan, Sica cadi umay Agtaengca cad’ cadacam, Pammatimi degdegam Cristo, naasica unay. A mangted pammacawan No ti dakes pagbabaw-yan, Nga agpayso ti parsuam. Espiritum mangted cappia, Iti tao naiwawa Maicaysacam cad’ Kenca Tapno incam agtalna. Umayca, O, Cangangatoan Ta isalacannacam, Turedmi innacam iccan A dumteng dita dennam. Ti carim inca tungpalen, Ugas cadacam itdem Kenca incam namnamaen, A dacamtot’ ispalem. Itulod ipendanacam, Dita yanmo a gloriam Agrucbabcam dita saclang, A mangted kencat’ dayaw.