Author name: IlocanoHymns.com

Pampanunotec ti naimnas a daga, No lumnec diay init magtengac Inton agtacderac abay ni Jesusco, Addanto bituen balangatco. Coro: Addanto bitbituen ngatat’ balangatco Inton diay laud init lumnec, Inton agri-ingac diay balay inana Addanto bituen balangatco. Iti pigsat’ Apo, agcar-cararagac, Aywanac panangiragpat Naraniag a bituen itednat’ gungunac, Inton dayawna maiwamac. O, anian a ragsac rupanat’ makitac, Saca-ananna agtugawac Balitoc a ciudad ingget sam-it a biag Addanto bitbituen coronac.

Ni Jesus ti camangco, Nga ubbog ti dungngo Nagayus cadatayo, Nanipud Calvario. Coro: Ni Jesus idiay cruz, Intedna ti rag-oc Ingganat’ diac magun-od, Gloria di aggibus. Idiay cruz toy cararuac, Asi nasaracna Ti Apo inayatnac Biagnat’ inpatlina! O, Jesus alyadannac, Tapno diac matinnag Cas sanga a masep-ac, Adda Kenca ti biag.

Nagan ni Jesus, aluadan, Isu la ti pagbiagan Ta isut’ nangisalacan, Cadatay ti cadacsan. Coro: Nagan a natan-oc, Ditoy lubong camangco Nagan a natan-oc, Ni Jesus a Manubbot.. Nagan ni Jesus maala, A cabal a nalagda O, cararua ti ridepmo, Lucagem coma, ala. Nagan ni Jesus dayawem, Isut’ mannacabalin Timmuloc a naitanem, Gaput’ ayatna laeng..

Ingget sudi imbag, Ni Jesus caniac Ingget pudno, ayat A nasaracac. Coro: Patgec la ni Jesus, Ni Jesus ni Jesus Isu lat’ talecmo, O, managbasol. Anusannat’ awid, Ken ti turongec Nupay agtibcolac, Balsannat’ ayat. Awan cas Kencuanat’ Imbag a gayyem, Capatban nga ayat Mangliwengliweng. Nupay Sidadara, Ken nabalangatan Imnasnat’ ad-adda Gapuan ni liday.

Intay nga agayat, Iti mangisalacan Pabilgen ti agdayaw, AS Kencuana nga Apo Intay iwarnac ti pudno, Ti ayatna pagutangantayo. Ti pagbalangatna, Ken pagpagan-anay Imbatina ket bimmaba; Nagtuoc ken natay Ditay ammo ti rigatna, Nga iti basol subbotennatay. Nagungar ket rimmuar, Iti turay ni patay Ta dagiti cabusoma, Nagbal-ligianna; Immuli di mangparucma Ken agari a Diostayo ita. Jesus ti utangmi, Awan pagbayadmi; Ngem isuronacam coma| Nga agyaman Kenca, Puso, biag idatonmi, Uray bassit awatem cadi.

Agragsacca ala puso, Cantaam ti Manubbotmo Ipakitam ti tulnogmo, Ayatna met napalalo Napalalo ti ayatna Ayatna a naiduma. Ammona toy kinasabrac, Nupay casta inayatnac Idinto a napucawac, Biniruc ket inispalnac Dackel unay ti ayatna, Ayat nga awan capada. Nupay adu ti cabusor, Mangituggod iti basol Cararuac inna iturong, Ti panagbiag a nadalus O, amangan a nagpigsa, Nagpigsa ti ayatna. No adda pacarigatan, Aniaman a pagdanagan Arpadco dina sinaan, Sicat’ inna banbantayan Ayat awan capadana, Intay masarac Kencuana.

Ti biagcon naragsac awan ti pumadpad, Ta addan ni jesus caniac Nasilawanen nasipnget a cararuac, Ta addan ni Jesus caniac. Coro: Idi immayen ni Jesus, A nagtaeng ditoy pusoc Toy cararuac ragsacnat’ agburburayoc Ta addan ni Jesus caniac. Awan caniacon ti pannacayaw-awan, Ta addan ni Jesus caniac; Basolco naruayda ket inugasannac, Ta addan ni Jesus caniac. Maysa a namnama icutac wen pudno, Ta addan ni Jesus caniac Ul-ulep ti duadua, dalanco awandan Ta addan ni Jesus caniac. Ti tay-ac ni patay saanac maublag, Ta addan ni Jesus caniac Ti ruangan ti ciudad makitac nalawag Ta addan ni Jesus caniac. Innacto agtaeng diay ciudad naraniag Ta addan ni Jesus caniac, Naragsac, wen, naragsac iti pannagnac Ta addan ni Jesus caniac.

Naragsac a sarita Daydi panagbiagna, Ni Cristo ken Gloriana Ken ti met ayatna, Patgec a balbalicsen Biagna ul-uliten, Ta isut’ pudno laeng, Awan ti sabalin. Coro: Amangan nagsayaat, A maibunbunannag Nadalus a panagbiag, Ni Jesus naayat. Isut’ nacaay-ayat, Ta sudinat’ naraniag Gloriana ingget lawag, Awan ti umartap; Ulitec siraragsac Ta paimbaginnac, Gapuna pagayatac Nga ipadpadamag. Nasam-it a dengdenggen, No sarsaritaen Ta uray nabayagen, Cascasdi napatpateg Sawec tapno maamoan Amin sial-lilaw, A ni Jesus lat’ camang A mangisalacan.

Jesus ayatenca, caniac addaca, Panagbasolan lacsidecon ita Mangispal ker. Manubbotco sica Jesus ayatenca, wen ayatenca. Ayatenca ta Sica inayatnac, Idiay Cruz ti Calvario sinubbotnac Nabalangatanca iti siit gapu caniac, Jesus ayatenca, ta inayatnac. Iti biag man ken patay ayatenca, Dayawenca bayat angescot’ adda Ket uray pay biagconton ti sumina, Cascasdi pay laeng nga ayatenca. Idiay langit lawag nga agnanayon, Gloriam napnoan raniag ken silnag Daytoy icantacto Kenca dita tronom, Ayatenca, Jesus a di aggibus.

1. Sicat’ sapsapulec a camangec Ta timecmot’ mangted talnac, talged. Coro: Wen, sica ti sapsapulec, Jesus nga ayayatek Bendicionmot’ urayec, Sicat’ ayec. 2. Sicat’ sapsapulec a mangparmec No sairo a nabileg asideg. 3. Sicat’ sapsapulec nga agnaed Caniac, ket urayec a lac-amec. 4. Sicat’ sapsapulec a surotec Carim a napateg namnamaec. 5. Sicat’ sapsapulec, a catalec, Ayat inca ited nga awatec.