Unknown Artist

Nacascasdaaw ti ayatna, Panagbiag ti Apo, Banglonat’ bang arannat’ puso Nalaus a ragsacco. Coro: Manipud idiay langit immay Daga a naliday, Gaput’ dackel nga ayatna Biagnat’ intedna. Napnot’ biagna iti ladingit, Adu a sangsangit; No malagipco ti tuocna, Luac pagtedtedenna. Natalugadingan cawesna, Sakit agasanna, Tunggal basol mai-caglisac Dagus batakennac. lnganantot’ nacarangrangrang, Intono agparang, Ngarud ita agsaganaac, Kencuana sumabat.

Caniac cad’ itedmo, Diosco Ti Espitu Santo, Tapno pusoc ti serkenna. Ket unegcot’ punnoenna. Coro: Punnoennac, punnoennac, Ti Espiritu namiag Nga agnaed coma caniac, Itedmo ta punnoennac. Ti Espiritum itedmo, Yetnagmo caniac Apo Ta masapul a kiredco, A cas mangidalanco. Capuyco ti naiduma, No siac ti agmaymaysa; Ti Espiritum ngad’ ita Itedmo caniac pigsa. Ibaonmot’ catulongac, No adda liday caniac; Ti Espiritum a narniag Isut’ kired ken pigsac.

Espiritu Santo, Cadacam yetnagmo, Ti raniagmo; Imbag a nadiosan, Ken rangcap nasantoan, Pusot’ maragsacan, Ti inaldaw. Gayyem a caimbagan, Umayca cadacam Sumarungcar; Ta paginanaemi Ti mabanbannogan, Talna inca itden Itden ita. Umayca O, Silaw, Pusomit’ pagyanam Ti inaldaw; Awan ti ammomi Bannawag sabali Ket raniagam cadi, Cararuami.

O, Espiritu Santo, Mangidalan cadacam, Dacam ti ilasatmo Iti dalan ti peggad, Agragsac ti cararua, Taengco idalanca. O, Gayyem ingget imbag, Tulong inca ipaay, Dinacam cad’ baybay-an Iti sipnget nga agyan, Ket no ti bagyo umay, Ket pusot madanagan Cuncunam ngad’ “Umayca”, Taengco idalanca. No ti aldawcot’ malpas, Utangcot’ maiwacas, Ti la matda, cararag; Ken langit a pagyanac, Pagtalcac itoy layus, Ti la dara ni Jesus Cuncunam ngad’ “Umayca”, Taengeo idalanca.

No ti Apotayo umay, Tinto daga agkintayeg, Agalisto ti banbantay; Tinto bitbituen cumudrep. Ni Cristo inton Agsubli, Saanton a casla idi Nga itiCruz naitulod, Ken natay a situtulnog. Dinto agcurang nga umay, A langanat’ pagbutbutngan, Sibabalangat ti darang: Tapno mangucom cadatay. Dagitinto managdamca, Siri-riro agsaoda, O, batbato ken banbantay Gaburan lingedandacam. Ngem dagiti sasantosmo, Rumuardanto ti tabonda, Agcantada nga agrag-o Ti Dios nga Apotay adda

Mabalin nga inton dumteng ti bannawag, Ti baro nga aldaw, inna panaglawag; Ni Jesus umay, napnot’ gloria ken dayag Nga awaten “cucuana”. Coro: O Jesusco inton caano, Cadacam yaaymo? Wen, umayca, Aleluya, Amen. Aleluya! Amen. Mabalin nga uray pay tengnga ti aldaw, Wenno tengnga ti rabii casipngetan, Ti Apo agraman ti raniagna umay Nga awaten “cucuana. Inton mangeg timecna manipud ngato, A caduana ti angeles ken sasanto, Dayag ken ti gloriana itugotnanto, Nga awaten “cucuana.” Amangan a ragsac no intayto sabten, Awan patay, sakit, liday a mapagteng, Ti Ano ti gloria no ayatnat’ dumteng Nga awaten “cucuana”.

Ni Jesus umayto manen, Agsapul saniata Subbotenna pati ubbing, A sanicuana. Coro: Cas naraniag a bituen, Amin nga ub-ubbing; Gameng ti Apo a taclin Inna pasudien. Balangat ni Cristot’ ayan, Batbato casudian Cadagitoy tunggal maysa, Pateg darana. Gameng nga agcacangina, Ubbing maladaga Idiay sidongnat’ ayanda, Nga aggin-awa. No ken Jesus umasideg, Dagiti ub-ubbing, Batbatoda a nasileng Nga ingget pateg.

Nasudit’ ayat ni Jesus, Pumateg ti inaldaw; Pataudenna iti pusoc Ti canta a nailangitan. Coro: Manubbot, Manubbot, Manursuro ken Gayyemco Manubbotco, Manubbotco Itulodnac iti Dios. Ngem saantay a makita, Ti amin nga ayatna, Aginggat’ intay macagteg Diay langit a gloriana. Daytoy nga ayat awatem, Ta ni Cristo napateg Yawatmot’ liday ken basol Pagragwam ti manubbot.

Ti sudim icancantami, Cordero ti Dios, natayca Ket yegnacam a saggaysa; Caput’ daram iti Ama, Papadicam ken ar-ari Ditoyto ti pagarianmi. Coro: Hosana, hosana, Raem ken Corderot’ Dios; Gloria, gloria, cantaantay Iti Ari pagyamantay, Hosana, hosana Raem ken Corderot’ Dios. Ti ispal utang iti Dios, Agtutugaw iti trono Isu lat’ asi ken linteg; Ti subbot gaput’ Cordero, Ipuccaw amin ti Iglesia “Amen” an-angel cunada. Inayat binugguan-nacam, Iti basol ita daram, Ken pagel badangannacam; Ibaetnacam ken Amam Raem ngad’ ken Apo Cristo Sawen amin coma a tao.

Tagkiag ti Apo, bumilegca Tignayem amin nga ilim, Ti cad’ lubong makitana Ti dackel a balbal-ligim. Sawem manipud ta tronom, Jehovaac sisiac ti Dios Didiosendat’ mariribuc, Al-altardat’ marmarsuod. Darat’ taon dicad’ maibuyat, Ubbaw a daton iti babac Ngem utoben ti panunot Ti imparucpuc ni Jesus. Iwarnacmo, Dios, ti graciam, Iti sadinoman a yan Ti cabusor iparucman: Ti manubbot balangatam.