Unknown Artist

Apo Bendicionmot’ itdem Iti daytoy a rabii; Basol Kenca ipudnomi Ispalennacam cadi. Nupay agliemot cadacam Ti sulisog a naruay, Awan cadacam iti peggad No addaca iti arpad. Nupay rabiit’ nasipnget, Kenca di manglinged Ti matam sikikita met Agbantay cadacami. No pettat nga ipapatay Dumteng ita cadacam Idiay langit agriingcam, Ket pagcawesmit’ rayray.

Agtaengca caniac ta rumabii Sumipngeten! agbatica cadi, No awan camangcon ken liwliwa Taclinco caniac cad’ agbatica. Toy biagco isut’ apagdaricmat Aggibus ti dayawna ken ragsac; Lawlawendac da racrac ken rupsa; Sica, di agbaliw agbatica. Masapulco unay ti caaddam Ta ti sairo sulisogennac; Ti mangidalan ken taclin Sica Sipnget man lawag agbatica.  Dayta rupam caniac ipakitam No cumapsotac, saranayennac; Agbannawag iti biag ken patay O, Apo Dios agbatica caniac.

Ita manen ti Apo’t biag Paltuadennat’ raniag, Luctannat’ sipnget ti bigat Bulosannat’ aldaw Aniat’ sipnget a namungon Idicua toy lubong Aniat’ lawag a namarmec Toy nga aldaw diay tanem Dayawetay nga ipasnec Ni Cristo nga init, Ti pusotay napnot’ ragsac Iyebcas cad’ ti ayat Adu a taot’ sidadayaw Toy napateg nga aldaw, A pagtaudan ti ragsac Ni Cristo nayanac.

Nalasattayo manen Ti maysa a lawasna, Ti Dios mannacabalin Datay ti inragpatna, Daytoy nga aldaw ita Isut’ panaginana. Gracia ti sapulenmi, iti nagan ti Diosmi Rupam cad’ a naasi; Isangom cadacami Ti biddutmi iccatem, Inanami ti itdem. Timec ti Evangelio Parmekenna ti puso Liwliwaennat’ Santo, Itdennat’ bang-artayo Inggat maumong tayo, Iti gimong diay ngato.

Nagasat ti yaaymoa Aldaw a Domingo, Yamanec ta Subliam A pagasatennac; Ti ubbaw a cucua bay-ac Acoec ti nailangitan Umay cad’ ti Ari, A napno ti sudi Bendicionam Apo; Amin a sasanto Ti nagbasol biagem ti Saom Tapno agtungpal iti Dios. Espiritu Santo, Umayca cadacam Yammom ayat ti Dios; Benditoam toy horas Ket mapabarot’ cararuac, Ti Domingo a nagasat.

Ala dayawem cararuac, Ta kenca mamagbalicas Dayawem a di agressat; Ti gapuan sirib ken ayat. Amanganen ti siribna! Isiptayo addaganna Ti bitbituen bilangenna, Iccanna idat’ naganda. Amin nga agraniag diay ngato Macapasdaaw iti puso, Yesngaw ti sangalubongan Ti siribna a nadiosan. Anian nga asi ti Manubbot! Datdatlag a di matucod, Sirib ti Dios nga agraniag Ala dayawem cararuac.

Mannubbot initco sica Awan sipnget no addaca, Di agparang cad’ ti ulep. A caniac kenca manglinged. No caniac a sibabannog Sumken ti naimas a turog Panunotco aginana; Iti agnanayon Kenca. Siac coma ti pagnaedam Ta no awanca, diac agbiag; no rabii, taengannac Tapno maturdac ti matay. Itedmo ti bendisionmo No agriingac, O Apo, Itaengnac ta ayatmo Tapno umayac diay ngato.

Iti pantoc ti Sion nagyan Ti nagadu a naispal, Ti Diosda inda himhimnoan; Nangugegco ket timmiponac Dagiti gapu ken Jesus Naglac-am pagel ken tuoc; Bal-ligi ken panagrucbab Sangot’ Dios inda idatag. Iti di agpatingga nga aldaw Cararwadat’ agay-ayat; Awan dumaan a ragsac Liwliwa masucan-sucat. Santo, Santo, Santo Dios Madayawca diay ngato Utangco ti agbitla, O Aric, Kenca Santo, Santo, Santo Dios Madayawca diay ngato, Santo, Santo, Santo.

Dayawentay ti Ari ti Gloria Cantaan ti dackel nga ayatna Isut’ calasag ken mangicauawa Raniag ken daeg mangbongon Kencuana Ta aluadmo awan macayebcas Sadinoman adda a masarac; Rabaw dagiti banbantay ken tay-ac Iti tudo ken linnaaw maiwamak Casla tapoc nalap-itcam unay Sicat’ catalec, dicam agcurang; Inget irutna asim naindaclan Namarsua, Gayyem ken Mangisalacan, Dios nga Amami, ayatmot’ dackel Cantaandaca – dagiti angel Dacami a parsua agcantacam met Pudno a panagdayaw, incam ited.

Santo, Santo, Santo, Dios a napigsa, Agcantacmi nga agdawdayaw Kenca Santo, Santo, Santo, Silaw ken Ayatca Dios a madayaw awan inggana. Santo, Santo, Santo, dayawendaca, Dagiti sasanto, a sangsangcamaysa Kerubin ken serafin agparintumengda, Agrucbab Kenca a di umingga. Santo, Santo, Santo, awagandaca, Ta ti managbasol gloriam iliwenna; Santo, Santo, Santo, awan pagcurangam, Pannacabali, asi ken ayat. Santo, Santo, Santo, Dios a Namarsua, Langit ken daga sicsicat’ idayawda Santo, Santo, Santo, Mannacabalinca; Dios a madayaw awan inggana.