Author name: IlocanoHymns.com

Umaycay makipagcanta, Ken ni Cristo idatagtay Panagrucbab, panagyaman Ta Ari nga awan ingga. Ti pigsana a naiduma, Datayo inna pinarsua Iniccanna ti cararua; Nga agbiag ken dinto matay. Ket agsipud iti babac, Dagup amin a pasuana Ti darana naibuyat; Pangispalna cadacuada. Nasged nga ayat ni Jesus, Gangtanna ti pusotayo, O, angeles ken sasanto Dayawenyo sibubuyog. Itan-oc icancantatay, Ni Cristo nga ipangruna Panagrucbab, panagyaman, Ta Ari nga awan ingga.

Rupan-rupa makitacto, Ni Jesus Manubbotco Isu natay gapu caniac, Ragsacconton makitac. Coro: Makitactot’ rupan-rupa, Idiay yanna a gloria Inton umayna alaen, Sasantos pinilina. Ita apagsaripatpat, Rupana ti makitac Ngem umay aldaw a naslag, Kencuana dumennaac. Ladladingit ken dandanag. Amin indan malipat Anianton a kina-ragsac, No innacton sumungad. O, nagasat nga agsapa, Innac pacaidenna Ken Jesus manubbot caniac, Pusona napnot’ ayat.

Cablaaw ken nagan a Jesus Itdenyo angeles, Balangat ti Ari yegyo,  (Maulit) Ken Apot’ ap-appo. Sasanto ti Dios diay ngato, Balangtanyot’ Apo Tubo ni Jesus patgenyo, Ta Apot’ ap-appo. Annac ti Israel, dacay Ala dayawenyo, Balangtanyot’ Mangispal, Ta Apot’ ap-appo. Dacay met Gentil dicay, Aglipat ken dungngo; Awatenyo a manubbot Ken Apot’ ap-appo. Sapay ta iti sangona, Agparintumengtay; Balangtan ken cantaantay Ti Apot’ ap-appo.

Agragsaccan itan lubong Ti Arimon Adtoy; Ket mangisagana ngarud Saad a natan-oc. Ari a nailangitan, Intay ngad’ cantaan Ti umaweng agcal-lingag, Timec nga agsacnap. Basol di agturay coman, Lunod ti maiccat, Ta ti lubong bendicionan Ti rag-o ken ayat. Ti langit iturayanna, Casta met ti daga Ti dayag ti linlintegna Ken ti parabumna.

Ti pannacasuot ti biagtayo umay Ket no narigat maibturan, Iti libro ti biag adda naisurat Ti cimiento ti Dios natibker Coro: Ti cimiento ti Dios natibker — natibker Ket ti pagarianna nabileg — nabileg Uray umay ti pannacadadael, Ti cimiento ti Dios natibker. Ditay agbuteng no lubong mapucaw Ta ni Cristo isut’ mangispal, Ti Bato nabileg uray bagyot’ dackel Ti cimiento ti Dios natibker. Inton diay gloria ti Dios dayawentay Amin naispal masarac tay, Icancantatayto Na-Diosan a daniw Ti cimiento ti Dios natibker.

Oh! anian a rag-ot cararuac Ti ayat ni Jesus naammoac Pusoc met napnoan iti ragsac, No ti cruzna ti nakitac. Coro: Ayat, nailangitan, Ayat ni Jesus caniac Ayat, awan bayadna, Dackel ayatna caniac. Nupay diac maicari, Basbasol ket pinacawanna, Ket idiay cruz intednat’ biagna Basbasolco pinacawanna. Awan ti innac isubalit, Ti dackel nga ayatna caniac Managbasol ken nacapuyac, Ngem isu winayawayaannac.

Ni Cristo nagungaren, haleluya Angeles cuncunada, haleluya, Agragsactay ngad’ ita, haleluya Langit, daga sumungbat haleluya Ti Ari agbiag manem, haleluya Patay aniat’ bilegmo, haleluya Ti gitam mapucawen, haleluya, Cararua naispalen, haleluya. Pannacasbot nalpasen, haleluya Gubat nagbal-ligianna, haleluya Saanen nga agtuoc, haleluya, Ti sipnget pimmanawen, haleluya. Surotentay ni Jesus, haleluya, Pangulo a natan-oc, haleluya Cas Kencuana ti tured, haleluya Cruz ken tanem maparmec, haleluya.

Ni Jesu-Cristo nagungar, Iwarnac a nangabac Ken patay ken infierno pay; Intay ngad’ agragragsac. Coro: Jesu-Cristo nagungar, Nagungar, aleluya! Jesu-Cristo nagungar Agbiag a di umingga. Ni Jesu-Cristo nagungar, Ti langit linuctanna Dagiti balud ti babac; Maispal ken sumbrecda. O Jesus dayawendaca, Sadi langit ken daga, Pagrucbabandaca coma Ta ti mangbiag sicsica.

Angel inna intulid, Di bato a nayaddag, Patay di nacabael Ta ni Jesus nagungar. Angeles isacnapda, Panagdayaw Kencuana, Lubong mangngegna coma Napigsa a timecda. Ipuccawyo, sasanto ipigsa icantayo, Nagungaren ti Apo Cas nayanac a baro. Silulucat ti langit, Tapno ni Jesus sumbrec Agari sadi gloria A trono ti Dios Ama.

Nanipud Calvario nangeg, Ti macadudog nga ickis, O, Jesus amin a bitlam Ipamatmatna ti ngoy-am. Amangan idin ti sipnget, Immapay Kenca: Nasingpet, Ket buybuyot nga yinfiernos Binusordat’ Anac ti Dios. Saplit, siit, apges, bain Inanusmo awan supring, Ngem idi limmiclic ti Dios Natda la Kenca ti tuoc Apoc, pataymot’ kitaec, No mapucaw dalanec Daydi ickis ti Nanubbot, Pasudienna comat’ pusoc.