Author name: IlocanoHymns.com

Denggem toy asugco, caasiannac, O, Mangisalacan Sicat’ sapsapulen toy cararuac, Umayca cad’ caniac. Coro: Iti banbantay nayawawanac, Iti taengco napanawac Alaennac Kenca iragpatnac, Umayca cad’ caniac. Awan mabalinco a pagyanan, O, Mangisalacan Sicat’ mangted ti biagco ken silaw, Umayca cad’ caniac. Dagitoy dapanco nabannogdan, O, Mangisalacan Pemgec dayta naragsac a rupam, Umayca cad’ caniac. Ipangagmo cad’ toy ararawco O, Mangisalacan, Timudem toy timec ken asugco Umayca cad’ caniac.

Umaycayo dacay a sililiday, Agrucbab iti Dios a naayat, Puspusoyo yegyo, ti met leddaang Sakitto ti lubong inton maawan. Ragsac ti nabay-an, Silaw ti naawan Talec ti agimbag a di mapda. Ti manangliwliwa inna insawang Sakitto ti lubong inton maawan. Tinapay ti biag, danum, kitaenyo Ti Dios ti gapuanna a nasin-aw Sangoenyo ti daya, ta maammoanyo Sakitto ti lubong inton maawan.

Timec ni Jesus ayabannatay, Panangawag napnot’ ayat Apay baybay-am nga umaw-awag, Timudem incat’ daras. Coro: Umaw-awag… Umaw-awag, Mangngeg timrcna, Sica ti ay-ayabanna, Dagiti nabannog awaganna, Ta caasiannat’ rigatda Dayta dagsen ipanmo Kencuana Tapno tulongannaca. Ni Jesus patinayon nga aguray, Napnoan ti asi ken ayat Ipanmo Kencuana dayta rigat Mabang-arancat’ daras.

Umaycay a managbasol, Napanglaw, agsapsapul Ta sidadaan ni Jesus, Napnot’ ayat ken anus Di bumurong isalacannacayto. Ita umaycay umawat Ken Jesus a naayat Gracia a naespirituan, Isut mangyeg cadacay Magun-odan ket dina pabayadan. Didacay tactaken comat’, Curapayyo ken annad; Ti la sapulen ni Cristo Kencuaua mapancayo, Maricnayo, badangnat’ masapulyo. Masakit ken masulisog, Madagsenan, nabannog, Ti imbagyo a bucbucod Saanyo a magun-od, Accoenyo ngad’ ni Jesus a mangayab.

Sinoman a macangngeg timecna, Naimbag a damag ti isacnapna, Amin ditoy lubong ayan ti parsua, Uray sinoman umay. Coro: Sinoman a mayat umay coma, Ipanna ti damag tay-ac ken bantay Naayat nga Ama awagannaca, Uray sinuman umay. Sinoman nga umay di agtactac, Itan ta ti ruangan silulucat pay, Ni Jesus la ti maymaysa a dalan Uray sinoman umay. Sinoman a mayat mangnamnama. Iti carcari nga insaganana, Biag nga agnanayon awan inggana, Uray sinoman umay.

No sicat’ ayabanna, inca, inca, Managbasol magnaca, inca, inca Tiempom panangawatmo, inca, inca, Ken Jesus ingget ayat, inca, inca. No ta cargam nabantot, inca, inca, Awitento ni Jesus, inca, inca Dinaca al-lilawen, inca, inca, Sicat’ inna awaten, inca, inca. Denggem ti panangawagna, inca, inca Awatem bendicionna, inca, inca, No sicat’ ayabanna, inca, inca Idawdawatandaca, inca, inca.

Umasideg ti mangngagas, Ni naayat a Jesus, Umawag a mamaragsac Denggem ayab ni Jesus. Coro: Cancion a casam-itan, Cancion a pagdaydayaw Ti capatgan a nagan Jesus a nadiosan. Basbasolmo mapacawan, Denggem ayab ni Jesus No dica suminat’ dalan, Cumuyogca ken Jesus Cordero ti Dios dayawec, Mamatiacon ken Jesus Naganna ti ay-ayatec; Wen ayatec ni Jesus. Awan caiac panagbuteng, Agtalecac ken Jesus Cararuac met maragsacan Ti nagan ni Jesus.

“Istay maala”, nga agtalec, Istay umawat ken Jesus Casla adda, adda agcuna, “Espiritu inca” Intono maminsan, “Awaganca”. “Istay maala”, Umaycay ita, “Istay maala”, dica agsanud; Awatem ni Jesus Dandani ti angeles, Dawat ti naayat, O, umayca, “Istay maala”, anit’ nalpas, “Istay maala”, umay ni patay “Istay”, di mapatgan; Itay paglidayan; Cuna ti agistay, “Napucaw ay”!

Adda pagyananna kenca, Ni Jesus a Manubbot, No ta pusom paluctanna Pastrekemto a dagus. Coro: Pagyanan ni Ari Jesus, Tungpalem ti saona Luctam kencuana ta pusom Ta tapno sumbrec kenca. Ragragsac ken dadduma pay, Adda inda pagyanan Ni Cristo laeng ti awan, Inna kenca mastrecan. Adda pagyananna ita, No sicat’ awaganna Inton bigat dica cuna Amangan no maladawca. Ken Jesus itedmo itan, Ta pusom tapno agyan Itedmon ita nga aldaw Tapno dica mapucaw.

Dicay sumardeng, ken Cristo incay Ta umawag a siayat, Ta makitana, dicay ilibac Ti basolyo ken rigat. Coro: Intayo ketdin, intayo ketdin, Ditay agbuteng; Magnatay, di agsardeng Ken Jesustay a taclin. Dicay agbayag, incay Kencuana, Ti pacawan yawatna Iti agtalec iti imbagna, Ken Jesus incay ita. Dicay agtactac ni Jesus natay Gapu ti managbasol; Dicay maisiasi ti dalan Nga ni Jesus a pudno. Incay ken Jesus a mangliwliwa, Iti adda lidayna Iti patinayon aluadanna Ti amin a cucuana.